შუახევში სოფელ ჩანჩხალოსა და ნიგაზეულში სასმელი წყლის შიდა ქსელის და გამანაწილებელი რეზერვუარების მოწყობა – 890 000ლარი დაიხარჯება რაზეც ტენდერი უკვე გამოცხადებულია. ინფრასტრუქტურული ღონისძიებების ფარგლებში სოფელ ინწკირვეთის მთის გორის ძირიდან სოფელ ჩანჩხალოს და ნიგაზეულის მოსახლეობისთვის 21 კმ-იანი წყალმომარაგების მოწყობითი საუშაოები გასულ წელს დასრულდა. პროექტი აჭარის ა.რ. მთავრობის მუნიციპალიტეტებში განსახორციელებელი პროექტების ფონდის დაფინასებით განხორციელდა. სამუშაოებზე 3 247 998 ლარი დაიხარჯა. პროექტის ფარგლებში განხორციელდა გრუნტის დამუშავება და ლითონის მილების ჩაწყობა- შედუღებითი სამუშაოები, მოეწყო წყლის სათავე ნაგებობა, გამანაწილებელი აუზი, დამონტაჟდა საფილტრე დანადგარები. მიმდინარე წელს მოეწყობა შიდა ქსელი, რადგან არსებული ცენტრალური რეზერვუარები მოსახლეობიდან არის მოშორებული. ამ პროექტის ფარგლებში განხორციელდება სასმელი წყლის მიყვანა დასახელებულ უბნებამდე და გამანაწილებელი რეზერვუარების მოწყობა. დასრულებული პროექტით ისარგებლებს 450 ოჯახი.