„მადლიერები ვართ, რომ ჩვენი მეგობრები და თანამებრძოლები ჩვენზე დარდობენ. ბევრი მოვიდა და გულმხურვალე მხარდაჭერა გამოგვიხატა, მაგრამ ამ ეტაპზე მგონია, ეს პროტესტი ჩვენი არჩეული არ არის, ეს ივანიშვილის მიერ არჩეული პროტესტია, რომელმაც ქვეყანა იზოლაციისკენ წაიყვანა და საქართველოს ციხეები პოლიტპატიმრებითა და სინდისის პატიმრებით გადაავსო. – ამის შესახებ „კოალიცია ცვლილებისთვის“ წევრმა, გედევან ფოფხაძემ განაცხადა.
"ამიტომ ჯერჯერობით მიგვაჩნია, რომ პროტესტის ეს ფორმა უნდა შენარჩუნდეს, რუსთაველის გამზირი უნდა გაძლიერდეს, იყოს 24-საათიანი პროტესტი. ყველას, ვინც ჩვენზე დარდობს, მოვუწოდებ, თბილი ნივთებით, ლეიბებით, საბნებითა და იმ ყველაფერი დაგვეხმაროს, რაც საჭიროა, რომ დეკემბრის ყინვები გადავიტანოთ. შიმშილობის შეწყვეტის წინაპირობებს კი ამ ეტაპზე ვერ ვხედავ“, – განაცხადა გედევან ფოფხაძემ.
შეგახსენებთ, რომ პარტია „თავისუფლების მოედნის“ ლიდერმა, ლევან ცუცქირიძემ „კოალიცია ცვლილებისთვის“ წევრს, გედევან ფოფხაძეს და მასთან ერთად მოშიმშილე რამდენიმე პირს მოუწოდა, შიმშილობა შეწყვიტონ.
