ზურაბიშვილი:ბურჯანაძე-ინაშვილის პარტიებს და “მარშისტებს” ხელისუფლებაში ისევ ჩვენ ვგონივართ

ამის შესახებ "რესპუბლიკური პარტიის" ერთ-ერთი ლიდერი დავით დავით ზურაბიშვილი სოციალურ ქსელში წერს:

"არჩევნებში მონაწილე სუბიექტთა ტელერეკლამებს ვუყურე და კახა კუკავამ "ნაციც" ლიბერალია, "ქოციც" ლიბერალია და ჩვენ უნდა დავამარცხოთ ეს ლიბერალური სენიო.

გიორგი ახვლედიანმა ბურჯანაძის პარტიიდან, ვისთვისაც სიტყვა "ეროვნული" უფრო მნიშვნელოვანია ვიდრე სიტყვა "ლიბერალური", ყველა ჩვენი თანამოაზრეაო.

"პატრიოტთა ალიანსი" ხომ საერთოდ აქციებს და უვადო შიმშილობას აანონსებს ხელისუფლებაში მოკალათებული ლიბერალების წინააღმდეგ, ბრეგაძე, კორკოტა და მარშისტები კი უკვე სიტყვიდან საქმეზე გადასულან და გუშღამ კალაძე-სოროსის ფარული ალიანსის მხილებით იყვნენ დაკავებული.

დასკვნა: ამათ მგონი ისევ ჩვენ ვგონივართ ხელისუფლებაში", – წერს დავით ზურაბიშვილი Facebook-ში.

მსგავსი სიახლეები
კომენტარები
იტვირთება...