ზესტაფონი-ქუთაისის შემოვლით გზაზე სამშენებლო სამუშაოები განახლდა

ზესტაფონი-ქუთაისის შემოვლითი გზაზე მიმდინარე სამშენებლო სამუშაოები განახლდა,– ამის შესახებ ინფორმაციას ინფრასტრუქტურის სამინისტრო ავრცელებს.

ზესტაფონი-ქუთაისის ახალი შემოვლითი გზის მშენებლობის პროექტის ფარგლებში, 15.2 კმ-იან მონაკვეთზე, გათვალისწინებულია ცემენტ-ბეტონის საფარიანი 4 ზოლიანი ჩქაროსნული გზის, 9 პარალელური ხიდის, 2 სატრანსპორტო კვანძის, 5 საფეხმავლო ხიდის, მიწისქვეშა გასასვლელებისა და რკინა-ბეტონის წყალგამტარი მილების მშენებლობა.

როგორც სამინისტროდან იუწყებიან, ამ დროისთვის, გზის საფუძვლის მოწყობის სამუშაოები მიმდინარეობს.

სამშენებლო სამუშაოები იაპონიის საერთაშორისო თანამშრომლობის სააგენტოს დაფინანსებით ხორციელდება. პროექტზე 360 ადამიანია დასაქმებული.

ავტოტრანსპორტის მოძრაობა, აღნიშნულ მონაკვეთზე (2 ზოლზე) მიმდინარე წლის ბოლოს გაიხსნება

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის თავმჯდომარის მოადგილე ირაკლი ხერგიანი ზესტაფონი-ქუთაისის შემოვლითი გზაზე მიმდინარე სამუშაოებს გაეცნო.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად