ზაზა სარალიძის დედა: მე პოლიციელებს არ ვუცემივარ, თვითონ წავიქეცი

ამის შესახებ თბილისში, ხორავას ქუჩაზე მოკლული №51 სკოლის მოსწავლის დავით სარალიძის მამის, ზაზა სარალიძის დედამ, მარინა ბეგაძე “რუსთავი 2”-თან განაცხადა.

“…ჩემს რძალს მივეცი ჩანთა, ვუთხარი ჩემი შვილი უნდა დავიცა. ამ დრო ვხედავ ზაზა ძირს  აგდია და რამდენიმე ადამიანი ადგას, ზედახორა იყო, სისხლიც დავინახე და ცუდად გავხდი და ჩემით წავიქეცი… მე პოლიციელებს არ ვუცემივარ, ტუილი არ მიყვარს და ამას ვერ დავაბრალდებ, პირიქით კორიდორი გააკეთეს ჰაერი მიეცითო… საავადმყოფოში წამიყვანეს… მინდა ინგოროყვას კლინიკის ექიმებს დიდი მადლობა გადავუხადო” , – განაცხადა ზაზა სარალიძის დედამ.

შეგახსენებთ, შეგახსენებთ, რამდენიმე საათის წინ არასამთავრობო ორგანიზაციების წარმომადგენლებმა საკანონმდებლო ორგანოს შენობასთან ათამდე კარავი გაშალეს. როგორც მათ ჟურნალისტებს განუცხადეს, ამ კარვებში მთელი ღამის განმავლობაში დარჩებიან და სიმბოლურად, სოლიდარობას გამოხატავენ ზაზა სარალიძისა და მალხაზ მაჩალიკაშვილის მიმართ. თუმცა, პოლიციის თანამშრომლები აქციის მონაწილეებს კარვის გაშლის საშუალებას არ აძლევდნენ, რასაც დაპირისპირება მოჰყვა. შედეგად კი ზაზა სარალიძე და დედამისი საავადმყოფოში გადაიყვანეს.

მსგავსი სიახლეები
კომენტარები
იტვირთება...