Volvo, მთელი მსოფლიოს მასშტაბით, უკან 500 000 ავტომობილს გაიხმობს

ავტომობილების მწარმოებელი შვედური კომპანია Volvo, მთელი მსოფლიოს მასშტაბით, ძრავის ნაწილში ცეცხლის გაჩენის საფრთხის გამო, უკან 500 ათას ავტომობილს გაიხმობს.

გავრცელებული ინფორმაციის მიხედვით, ძრავის ნაწილში ერთ-ერთი კომპონენტი, მაღალი ტემპერატურის გამო შესაძლოა დადნეს. კონცერნში აგრეთვე აღნიშნავენ, რომ ამ შემთხვევებიდან ადამიანი არ დაშავებულა.

კომპანია უკან გაიხმობს მოდელებს, რომლებიც აღჭურვილია ოთხცილინდრიანი დიზელის ძრავით, რომლებიც 2014-2019 წლების შუალედში გამოვიდა, მათ შორის V40, V60, V70, S80, XC60 და XC90-ს.

ნიდერლანდებში უკან გაიხმობენ 37 ათასს, გერმანიაში – 54 ათასს, ხოლო შვედეთში – 86 ათასს.

იანვარში Volvo-მ, მთელი მსოფლიოს მასშტაბით 200 ათასზე მეტი ავტომობილი გაიხმო უკან, რის მიზეზიც საწვავ მილებში აღმოჩენილი ბზარები გახდა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად