“ვისოლ ჯგუფმა” ბათუმში “სმარტის” ახალი სუპერმარკეტი გახსნა

სუპერმარკეტების ქსელი “სმარტი” ახალ ფორმატზე გადასვლის შემდგომ ბათუმში, რკინიგზის სადგურის მიმდებარედ, ოდისეი დიმიტრაიდის ქ. #5-ში მორიგ სუპერმარკეტს ხსნის. ახალგახსნილ “სმარტში” 35-მდე ადამიანი დასაქმდა, რომელთათვისაც მომხმარებლისთვის უმაღლესი ხარისხის პროდუქტების მომსახურების უახლესი სტანდარტით შეთავაზება უპირველესი საზრუნავია. „სმარტის“ ახალი სუპერმარკეტის გახსნას ბათუმის მერი ლაშა კომახიძე დაესწრო.

დამატებით, მომხმარებელთა წასახალისებლად მხოლოდ 7 მაისიდან 16 მაისის ჩათვლით ახალგახსნილ “სმარტთან” მდებარე “ვისოლის” ავტოგასამართ სადგურზე 30 ლარის ღირებულების ნებისმიერი ტიპის საწვავის შეძენისას მომხმარებელი “სმარტის” ახალ ობიექტზე საჩუქრად მიიღებს ენერგეტიკულ სასმელს – “XL-ს” და “სნიკერსს”. სასაჩუქრე ვაუჩერების განაღდება 20 მაისამდეა შესაძლებელი.

“სმარტი” ახალი ფორმატით განვითარებას განაგრძობს და მოხარული ვართ, რომ აჭარის რეგიონში, ახალსოფლის ობიექტის შემდგომ, სუპერმარკეტის გახსნის შესაძლებლობა ბათუმშიც მოგვეცა. ბათუმში “სმარტის” გახსნით არა მხოლოდ კიდევ უფრო კომფორტული გახდა “ვისოლ ჯგუფთან” ერთად მგზავრობა, არამედ ტურისტების გაზრდილი ნაკადისთვისაც განსაკუთრებულად მოსახერხებელია რკინიგზის სადგურთან თანამედროვე სუპერმარკეტისა და იქვე გამომცხვარი საკონდიტრო ნაწარმითა და ფუნთუშეულით მიმზიდველი “სმარტ” კაფის არსებობა”, – აცხადებენ “სმარტში”.

მორიგი “სმარტი” ბათუმში ახალი ფორმატის სუპერმარკეტია, სადაც საკუთარი იმპორტის ევროპული თუ ამერიკული პროდუქტებისა და ადგილობრივი წარმოების ყოველდღიური მოხმარების პროდუქციის 5000-მდე სახეობაა წარმოდგენილი. იქვე მომხმარებელს კომფორტული კაფე ელის, სადაც “სმარტის” წარმოებულ უგემრიელეს საკონდიტრო ნაწარმსა თუ ფუნთუშეულს, იტალიურ ყავა “ტრუჩილოსთან” ერთად, სულ სხვა გემო აქვს.

“სმარტი” ქსელის განვითარებას საწყის ეტაპზე შერჩეულ ფორმატში, “ვისოლის” ავტოგასამართ სადგურებსა და ცენტრალურ ავტომაგისტრალზე “ვისოლ ჯგუფის” დასვენებისა და მომსახურების ცენტრებში გააგრძელებს და უახლოეს მომავალში „სმარტის“ სუპერმარკეტი ავტობანზე, სოფელ არგვეთასთან განთავსდება.

“სმარტი” გამორჩეულია ბაზარზე უმაღლესი ხარისხის პროდუქტის ფართო არჩევანითა და მომსახურების ევროპული სტანდარტებით. “ვისოლ ჯგუფმა” “სმარტის” ქსელის განვითარება 2010 წელს დაიწყო.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად