ვიქტორ უკოლოვი: უკრაინაში საპროტესტო მოძრაობისთვის თანხებს სააკაშვილს სერგეი კურჩენკო აძლევდა, რომელსაც ვიქტორ იანუკოვიჩის საფულეს ეძახდნენ

უკრაინაში საპროტესტო მოძრაობისთვის თანხებს სააკაშვილს სერგეი კურჩენკო აძლევდა, რომელსაც ვიქტორ იანუკოვიჩის საფულეს ეძახდნენ, – ამის შესახებ გადაცემა „იმედი LIVE“-ში უკრაინელმა პოლიტოლოგმა, ვიქტორ უკოლოვმა განაცხადა.

„სააკაშვილმა დაიწყო პროტესტი უკრაინის პრეზიდენტის წინააღმდეგ. დრო გავიდა და გახდა ნათელი, რომ პროტესტების ჩასატარებლად ის თანხას იღებდა მოსკოვიდან, სერგეი კურჩენკოსგან, რომელსაც უკრაინაში ვიქტორ იანუკოვიჩის საფულეს ეძახდნენ. სერგეი კურჩენკო, რომელიც ფლობდა იანუკოვიჩის კაპიტალს საპროტესტო მოძრაობისთვის, თანხებს სააკაშვილს აძლევდა. ვიდეოზეც არის აღბეჭდილი ფულის გადაცემა, ერთ-ერთ კერძო ავტოფარეხში. ადამიანმა, რომელმაც ეს ფული აიღო, აღიარა, რომ ეს ფული სააკაშვილისთვის უნდა გადაეცა“, – განაცხადა ვიქტორ უკოლოვმა.

კომენტარები
იტვირთება...