ვახუშტი მენაბდე: დღეს უკვე მეოთხე შემთხვევაა, როდესაც საიას დამკვირვებლებს დაემუქრნენ – უბნის ბიჭებმა შენობიდან გაიყვანეს
დღეს უკვე მეოთხე შემთხვევაა, როდესაც საიას დამკვირვებლებს დაემუქრნენ – უბნის ბიჭებმა შენობიდან გაიყვანეს, – ამის შესახებ საქართველოს ახალგაზრდა იურისტთა ასოციაციის დემოკრატიული ინსტიტუტების მხარდაჭერის პროგრამის დირექტორი ვახუშტი მენაბდე Facebook-ში წერს:
“დღეს უკვე მე-4 შემთხვევაა, როდესაც საქართველოს ახალგაზრდა იურისტთა ასოციაციას დამკვირვებელს დაემუქრნენ. საჩივრის დაწერის შემდეგ უბნის ბიჭებმა შენობიდან გაიყვანეს, უთხრეს, რომ იციან მისი საცხოვრებელი ადგილი და დაამატეს: „პატარა გოგო ხარ და არ გინდა ეს საჩივრებიო“. ჩვენი დამკვირვებლები, ეს მამაცი ადამიანები თქვენს ხმებს იცავენ, მიუხედავად იმისა იყავით თუ არა არჩევნებზე”, – წერს ვახუშტი მენაბდე.
შეგახსენებთ, საქართველოში საპარლამენტო არჩევნების მეორე ტურია. ოპოზიცია პირველი ტურის შედეგებს არ აღიარებს, ბოიკოტის რეჟიმშია და არც მეორე ტურებში იღებს მონაწილეობას.