დავით უსუფაშვილი: ოქრუაშვილის გათავისუფლებას იმიტომ ვითხოვდით, რომ არასწორად იყო დაკავებული და არა იმიტომ, რომ თანამშრომლობას ვაპირებთ

პოლიტიკური პარტია „ლელოს“ წევრი დავით უსუფაშვილის განცხადებით, “ლელო” მზად არის ცალკეულ ოლქებთან და კანდიდატებთან დაკავშირებით, გაერთიანებულ ოპოზიციასთან კოორდინაციის რეჟიმში იყოს რათა ურთიერთ ხელსაყრელი გადაწყვეტილებები იქნას მიღებული. 

ამის შესახებ  დავით უსუფაშვილმა გადაცემა „გიორგი თარგამაძის ფორმულაში“  განაცხადა.

„მაჟორიტარულ ოლქებთან დაკავშირებით, იმ პირობებში როდესაც მაჟორიტარული კომპონენტი არჩევნების და პროპორციული იყო დაახლოებით თანაბარი და მაჟორიტარული კომპონენტის ჯიბეში ჩადებით ხელისუფლებას შეეძლო კონსტიტუციური უმრავლესობის უზრუნველყოფაც კი ეს იყო ერთი საქმე.

ჩვენ 8 მარტის შეთანხმებით ზუსტად იმას მივაღწიეთ, რომ პარლამენტის 4/5 დაკომპლექტებული იქნება პროპორციული არჩევნების შედეგებიდან გამომდინარე. 30 მაჟორიტარული ოლქი ნიშნავს, რომ ვინც არ უნდა წაიღოს ეს 30 მანდატი მთლიანად, ვერ დააკომპლექტებს უმრავლესობას თუ პროპორციულში 40%-ზე მეტი არ მიიღო. ჩვენ დღესაც მზად ვართ, რომ ცალკეულ ოლქებთან და კანდიდატებთან დაკავშირებით, ვიყოთ კოორდინაციის რეჟიმში და რამოდენიმე შემთხვევაში მივიღოთ ურთიერთ ხელსაყრელი გადაწყვეტილებები” -განაცხადა დავით უსუფაშვილმა.

 

იგი ასევე გამოეხმაურა ირაკლი ოქრუაშვილის შეწყალების ფაქტს და განმარტა, რომ  ის უკანონოდ იყო დაკავებული.

“ირაკლი ოქრუაშვილის გათავისუფლებას ვითხოვდით იმიტომ, რომ ის არასწორად იყო დაკავებული და არა იმიტომ რომ მასთან პოლიტიკურ პარტნიორობას ვაპირებთ ან ის აპირებს ჩვენთან თანამშრომლობას“, – განაცხადა დავით უსუფაშვილმა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად