წალენჯიხაში ხანძარს 90 წლის მამაკაცის სიცოცხლე ემსხვერპლა
წალენჯიხის მუნიციპალიტეტის სოფელ ფახულანში, საცხოვრებელ სახლში გაჩენილ ხანძარს, ოჯახის ერთი წევრის, 90 წლის მამაკაცის სიცოცხლე ემსხვერპლა.
შემთხვევა გუშინ გამთენიისას მოხდა.
საგანგებო სიტუაციების მართვის სამსახურის სამეგრელო-ზემო სვანეთის სამმართველოს უფროსის ინფორმაციით, მეხანძრეებს სახლი უკვე დამწვარი, მამაკაცი კი გარდაცვლილი დახვდათ.
ხანძრის გამომწვევი მიზეზები უცნობია.
შსს ინფორმაციით, მიმდინარეობს გამოძიება.