თურქეთში, განვლილ 24 საათში, კორონავირუსით 23 კაცი გარდაიცვალა და 972 დაინფიცირდა
ამის შესახებ ინფორმაციას თურქეთის ჯანმრთელობის დაცვის მინისტრი ფაჰრეტინ კოჩა ტვიტერზე ავრცელებს
სულ, ამ დროისთვის, თურქეთში კორონავირუსით ინფიცირების 152 587 შემთხვევაა დაფიქსირებული.
განვლილი 24 საათის განმავლობაში თურქეთში კორონავირუსით გარდაიცვალა 23 კაცი, 5-ით ნაკლები, ვიდრე წინა 24 საათში.
დღის განმავლობაში გარდაცვლილთა უფრო ნაკლები რაოდენობა თურქეთში ბოლოს 29 მარტს იყო.
სულ, ამ დროისთვის, თურქეთში კორონავირუსით 4 222 კაცია გარდაცვლილი.
განკურნებულთა რიგებს განვლილი 24 საათის განმავლობაში 1 092 კაცი შეემატა. ამ დროისთვის სულ განკურნებულია 113987 კაცი, ინფიცირებულთა საერთო რაოდენობის 74,70%.
განვლილ 24 საათში თურქეთში 20 838 ტესტი ჩატარდა. სულ, თურქეთში, ჩატარებულია 1 696 355 ტესტი.
ამ დროისთვის მთელ მსოფლიოში ინფიცირების 5 035 279 შემთხვევაა დადასტურებული. განკურნებულია 1 987 399 კაცი – 39,47%, ხოლო გარდაცვლილი კი 326 224 – 6,48%