თერჯოლის მერის მოვალეობის შემსრულებელმა ალისუბანში ბეტონის საფარით მოწყობის სამუშაოები დაათვალიერა

თერჯოლის მუნიციპალიტეტის მერის მოვალეობის შემსრულებელი ლაშა გოგიაშვილი მოადგილე მანუჩარ რობაქიძესთან ერთად ალისუბანში იმყოფებოდა, სადაც ინფრასტრუქტურული პროექტების მონიტორინგის ფარგლებში ალისუბანი-სკანდის დამაკავშირებელი გზის ბეტონის საფარით მოწყობის სამუშაოები დაათვალიერა და პროექტის მიმდინარეობის შესახებ ინფორმაცია მიიღო.

სამუშაოებს რეგიონული განვითარების ფონდიდან გამოყოფილი 315 790 ლარით, ტენდერში გამარჯვებული კომპანია შპს “მეკა” აწარმოებს. პროექტი გარდამავალია და საერთო ჯამში 1,7 კმ გზის მოწყობაზე 531 790 ლარი დაიხარჯება.

ალისუბანი-სკანდის დამაკავშირებელ გზაზე, რომლითაც რამდენიმე სოფლის მოსახლეობა სარგებლობს, ბეტონი პირველად იგება. გზა ამორტიზებული იყო და ადგილობრივი მოსახლეობა მის რეაბილიტაციას ითხოვდა.

რეგიონული განვითარების ფონდიდან გზების მოწყობა მიმდინარეობს ასევე თერჯოლის, თუზის, რუფოთის, ნახშირღელის, ქვედა სიმონეთის ადმინისტრაციულ ერთეულებში. საერთო ჯამში 15 კმ. გზა მოეწყობა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად