თენგიზ ცერცვაძე: ვფიქრობ, კორონავირუსის ვაქცინა საქართველოში ერთ თვეში შემოვა

“იმდენად სერიოზული არხებია ჩართული მოლაპარაკებებში, რომ ვფიქრობ, კორონავირუსის ვაქცინა საქართველოში ერთ თვეში შემოვა”.

ამის შესახებ ინფექციური საავადმყოფოს გენერალურმა დირექტორმა, თენგიზ ცერცვაძემ „პირველ არხს“ განუცხადა.

მისივე თქმით, საქართველოს ამ პროცესში ძალიან ეხმარებიან ჯანდაცვის მსოფლიო ორგანიზაციის გენერალური მდივანი და ორგანიზაციის ევროპის ბიუროს დირექტორი. პროცესში, ასევე, ჩართულნი არიან იმ ქვეყნების ელჩები, რომელი ქვეყნებიც ვაქცინის მწარმოებლები არიან.

თენგიზ ცერცვაძის განმარტებით, ყველაზე მეტი ალბათობაა „ასტრაზენეკასა“ და ჩინური ვაქცინის შემოტანის. მისივე თმით, ორივე ვაქცინა ძალიან კარგია.

„მათ, „ფაიზერისა“ და „მოდერნას“ ვაქცინებთან შედარებით, აქვთ ის სერიოზული უპირატესობა, რომ არ საჭიროებენ შენახვას სპეციალური რეჟიმით. ეს ვაქცინები ჩვეულებრივ ტემპერატურაზე ინახება და ამიტომ მათი ტრანსპორტირება და მოხმარება გაცილებით უფრო იოლია, ვიდრე იმ ორი ვაქცინის. მათ საიმედოობისა და დაცვის ისეთივე პროცენტი უჩვენეს, დაახლოებით, 95 პროცენტამდე, როგორც „ფაიზერმა“ და „მოდერნამ“. თუ ამ ორი ვაქცინიდან რომელიმე შემოვა, მე პირადად მივესალმები ამას. ლაპარაკია, რაც შეიძლება ჩქარა შემოვიდეს. არავინ იცის, ზუსტად როდის შემოვა, მაგრამ ჩემი ვარაუდით, იმდენად სერიოზული არხებია ჩართული ამ მოლაპარაკებებში, რომ ვფიქრობ, ერთ თვეში შემოვა“, – განაცხადა თენგიზ ცერცვაძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად