თელავი- ყვარელის დამაკავშირებელ მაგისტრალზე 5 ადამიანი მძიმედ დაშავდა
ერთმანეთს „მერსედესის“ და „გოლფის“ მარკის ავტომობილები შეეჯახნენ. დაშავდა ორივე მანქანის მძღოლი და მგზავრები.
ისინი სასწრაფო დახმარების ბრიგადებმა მოტეხილობებით და სხეულის სხვადასხვა დაზიანებებით თელავის საავადმყოფოში მოათავსა.
ადგილზე მობილიზებულია პოლიცია და სახანძრო- სამაშველო ბრიგადები.
ავტოსაგზაო შემთხვევის მიზეზი სავარაუდოდ, გადაჭარბებული სიჩქარე გახდა.