თამარ გაბუნია: საქართველოს შეუძლია, მიიღოს ნებისმიერი ტემპერატურული მოთხოვნის ვაქცინა

„საქართველოს შეუძლია, მიიღოს ნებისმიერი ტემპერატურული მოთხოვნის ვაქცინა. ჩვენთვის მნიშვნელოვანია ჯანმრთელობის მსოფლიო ორგანიზაციის, ასევე მკაცრი მარეგულირებელი ორგანოების მიერ ვაქცინის აღიარება. რამდენიმე ვაქცინა ამგვარი აღიარების უკვე არის – „ფაიზერი“, „ასტრაზენეკა“, „მოდერნა“. როგორც კი მსგავსი აღიარების ახალი ვაქცინა გამოჩნდება ბაზარზე, გეგმა ამასაც გაითვალისწინებს, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.

“გეგმაში მკაფიოდ არის აღნიშნული, რომ სამივე ტემპერატურული რეჟიმისთვის ქვეყანა არის მზად. პარასკევს სამინისტრომ გააგზავნა წერილი. დღეს იყო ბოლო ვადა ინტერესის გამოხატვის და დადასტურების, რომ საქართველოს შეუძლია, ხელმისაწვდომობის შემთხვევაში, ხვალვე დაიწყოს ვაქცინაცია „ფაიზერით“. ეს კონკრეტული წერილი შეეხება „ფაიზერის“ ვაქცინით იმუნიზაციის დაწყებას პირველივე კვარტალში, თუმცა არ გამოვრიცხავთ, რომ მივიღოთ შემოთავაზება პირველ კვარტალშივე „ასტრაზენეკათი“ ვაქცინაციის დაწყებასთან მიმართებით. მთვარია, რომ ქვეყანა მზადაა ვაქცინაციის დასაწყებად მომდევნო ორი თვის განმავლობაში“, – განაცხადა თამარ გაბუნიამ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად