თამარ ჩერგოლეიშვილი: პარტიას ვქმნი და შევეცდები, რომ 10 ქალი, ყოველგვარი კაცების და მეოთხე კაცის გარეშე გავიყვანო

“ტაბულას” მთავარი რედაქტორი თამარ ჩერგოლეიშვილი ახალ პარტიას ქმნის. როგორც თავად ამბობს, პარტიას იმ მიზნით აყალიბებს, რომ კვოტები გააუქმოს. ამოცანა ქალების ემანსიპაცია იქნება კონტ-პროდუქტიული პოზიტიური დისკრიმინაციის გარეშე.

ამის შესახებ თამარ ჩერგოლეიშვილმა სოციალურ ქსელში დაწერა.

“მოკლედ, დიდი მსჯელობის შემდეგ, ჩამოვყალიბდი, რომ პარტიას ვქმნი, იმისთვის, რომ კვოტები გავაუქმო. ცხადია, პარტიის ამოცანა ქალების ემანსიპაცია იქნება, კონტრპროდუქტიული პოზიტიური დისკრიმინაციის გარეშე. დანარჩენს მოგვიანებით მოგახსენებთ” განაცხადა თამარ ჩერგოლეიშვილმა.

“კურიერის” ინფორმაციით, კონსულტაციების იურისტებთან უკვე დაწყებულია და ახალი პოლიტიიკური პარტია ერთი თვის ვადაში დარეგისტრირდება.

“მე ვთვლი, რომ საქართველოში ქალები დგანან უმძიმესი პრობლემების წინაშე, რომელიც, პირველ რიგში, გამოწვეულია იმ მავნე და დრომოჭმული სტერეოტიპებით, რაც ხშირ შემთხვევაში ქალებს აიძულებს, რომ ქორწინების მიღმა გაჩენილი შვილები სანაგვეში გადაყარონ. მე ვთვლი, რომ ამ სტერეოტიპს აძლიერებს ის, რაც “ქართულმა ოცნებამ” გააკეთა, როდესაც კაცები დაავალდებულა, რომ ყოველ მეოთხედ ქალი ჩაისვანვაფუძნებ ქალების პარტიას და 2024 წლისთვის შევეცდები, რომ 10 ქალი, ყოველგვარი კაცების და მეოთხე კაცის გარეშე გავიყვანო. კონსტიტუციის სულისკვეთება ის არის, რომ უთანასწორობის აღმოფხვრას უნდა შეუწყოს ხელი და ვთვლი, რომ არ უნდა შემეშალოს ხელი, პირველი ათეული ქალებით გავიდე პარლამენტში და არ უნდა მავალდებულებდეს კანონი, რომ მეოთხე კაცი ჩავისვა,”- განაცხადა თამარ ჩერგოლეიშვილმა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად