ჭიაბერაშვილი: ჯანდაცვის სამინისტროდან გაუშვეს თანამშრომლები, რომელზედაც იდგა სამინისტრო წლების განმავლობაში

ჯანდაცვის სამინისტროდან ათეულობით თანამშრომელი გაუშვეს, ხალხი, რომელზედაც იდგა სამინისტრო წლების განმავლობაში, – ამის შესახებ “ევროპული საქართველოს” წევრმა, დეპუტატმა ზურაბ ჭიაბერაშვილა განაცხადა.

“იმის გამო, რომ ყველაზე მეტი შეხება აქვს მოქალაქესთან, ბუნებრივია, უკმაყოფილებაც ყველაზე მეტი ამ სამინისტროზე მოდის. ვიდრე მივიდოდი, უფრო ძვირი მესმოდა სამინისტროზე, ვიდრე კარგი. მახსოვს, სასიამოვნოდ გაოცებული დავრჩი ჯანდაცვის სამინისტროს საშუალო რგოლის პროფესიონალიზმითა და კვალიფიკაციით. როგორ გამოიყენებ ამ ადამიანებს, ეს პოლიტიკური ხელმძღვანელობის უნარიანობის საკითხია.

მე მგონი, უზარმაზარი “ინსტიტუციური მეხსიერების” ასე ხელაღებით წაშლა ძალიან სარისკო ნაბიჯია. დარწმუნებული ვარ, სამინისტროდან გათავისუფლებული ადამიანები თავის გზას იპოვნიან, მაგრამ კვალიფიციური კადრი ერთ დღეში არ იბადება.

მადლობა ყველას, ვინც წლების განმავლობაში ღირსეულად ემსახურა თავის საქმეს და ახლა, სავარაუდოდ, მადლობის უთქმელად გაუშვეს სახლში”, – განაცხდა ჭიაბერავილმა.

დეპუტატის თქმით, “ევროპული საქართველო” ბიურიკრატიის შეკვეცის მომხრეა, მაგრამ სახელმწოფო აპარატში “შეყრილი” “ქართული ოცნების” აქტივის შეკვეცისა და არა იმ ადამიანების სამსახურიდან გაშვების, ვისზედაც დგას სახელმწიფო პროგრამების მართვა.

ცნობისთვის, ჯანდაცვის სამინისტროდან 51 ადამიანი გაათავისუფლეს

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად