სოფო კილაძემ #18-ე სამკურნალო დაწესებულებაში მყოფი პატიმრები მოინახულა და გიორგი მამალაძეს პირისპირ ესაუბრა

პარლამენტის ადამიანის უფლებების დაცვისა და სამოქალაქო ინტეგრაციის კომიტეტის თავმჯდომარე სოფო კილაძემ  #18-ე ბრალდებულთა და მსჯავრდებულთა სამკურნალო დაწესებულებაში მყოფი პირები(პატიმრები) მოინახულა.

პარლამენტის პრესსამსახურის ინფორმაციით, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სამკურნალო დაწესებულებაში არსებულ პირობებს გაეცნო და ბრალდებულებს შეხვდა.

სოფო კილაძე, ასევე პირისპირ ესაუბრა მსჯავრდებულ დეკანოზ გიორგი მამალაძეს.

„როგორც საკუთარი თვალით ვნახე პენიტენციურ სისტემაში განსაკუთრებული უსაფრთხოების ზომებია მიღებული, სამკურნალო დაწესებულებაში მყოფ პირებს უტარდებათ შესაბამისი მკურნალობა და მათი უფლებები დაცულია ყველა მიმართულებით. მინდა დავამშვიდო მსჯავრდებულების ოჯახის წევრები, პენიტენციური სისტემის ადმინისტრაცია ყველა მიმართულებით ძალიან კარგად ზრუნავენ მათზე. აქვე, დიდი მადლობა მინდა გადავუხადო პენიტენციური სისტემის თანამშრომლებს რომლების კარანტინის პირობებში საკუთარ ოჯახებს მოწყდნენ და ზრუნავენ პატიმრებზე. ისინი ნამდვილად იმსახურებენ დის პატივისცემას”-განაცხადა სოფო კილაძემ.

ცნობისათვის: ამ ეტაპზე გლდანში მდებარე #18-ე ბრალდებულთა და მსჯავრდებულთა სამკურნალო დაწესებულებაში მკურნალობას 115 პირი გადის.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად