სოფელ გვიშტიბში, დევნილებისთვის მშენებარე კორპუსებისთვის წყალარინების ქსელი ეწყობა

საქართველოს გაერთიანებული წყალმომარაგების კომპანია წყალტუბოს მუნიციპალიტეტში, სოფელ გვიშტიბში იძულებით გადაადგილებულ პირთათვის მშენებარე 8 კორპუსის წყალარინების (კანალიზაციის) ქსელის მოწყობის სამუშაოებს ახორციელებს.

ამ ეტაპზე წინა სამობილიზაციო სამუშაოები მიმდინარეობს. პროექტით გათვალისწინებულია კანალიზაციის ჭების, გამყვანი კოლექტორის და წყალარინების ქსელის მოწყობა.
მშენებარე საცხოვრებელი კორპუსები 560 დევნილ ოჯახზეა გათვლილი. შესახლების შემდეგ, 1700-მდე მაცხოვრებელი წყალარინების გამართული ინფრასტრუქტურით ისარგებლებს.
სამშენებლო სამუშაოებს 128,549.38 ლარი მოხმარდება, წყალარინების ინფრასტრუქტურის მოწყობის პროექტი 2020 წლის დასაწყისში დასრულდება.
ამ ეტაპზე, წყალარინების ინფრასტრუქტურის მოსაწესრიგებლად, გაერთიანებული წყალმომარაგების კომპანია სამუშაოებს ახორციელებს: ზუგდიდში, ფოთში, მესტიაში, ანაკლიაში, ოზურგეთში, ახალციხეში, მარნეულსა და გუდაურში, პროექტების დასრულების შემდეგ, დამატებით 170 000 –ზე მეტი ადამიანი წყალარინების გამართული ინფრასტრუქტურით ისარგებლებს. სამუშაოები დაგეგმილია: ქუთაისში, ბაღდათში, ვანში, სამტრედიაში, მარტვილში, სტეფანწმინდაში, ხაშურში, დაბა ფასანაურში, სოფელ მუხრანში, კურორტ აბასთუმანსა და ბახმაროში.

ინფორმაციას ამის შესახებ საქართველოს გაერთიანებული წყალმომარაგების კომპანია

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად