შსს-მ 365 მართლწესრიგის ოფიცერი შეარჩია – რა შედის მათ მოვალეობებში

შინაგან საქმეთა სამინისტრომ კონკურსის წესით 365 მართლწესრიგის ოფიცერი შეარჩია.

შინაგან საქმეთა მინისტრის მოადგილის კახა საბანაძის განმარტებით, მართლწესრიგის ოფიცრის ძირითად ფუნქცია-მოვალეობებში შედის არასრულწლოვნებთან დაკავშირებულ პრობლემებზე, ოჯახურ კონფლიქტებზე, ქალთა მიმართ ძალადობაზე, უკანონო მიგრაციაზე რეაგირება.

მისი თქმით, მართლწესრიგის ოფიცრებს მჭიდრო კომუნიკაცია ექნებათ საგანმანათლებლო დაწესებულებების წარმომადგენლებთან და მანდატურებთან.

“მართლწესრიგის ოფიცერი და ეს ინსტიტუტი, შს სამინისტროს სისტემური განალების ფარგლებში ინერგება. ჩვენი მიზანია ყოველდღიურ რეჟიმში უზრუნველვყოთ საზოგადოებრივი წესრიგი, უსაფრთხოება, მართლწესრიგი და პარალელურად განვახორციელოთ პრევენციულ საპოლიციო მიდგომებზე გადასვლა.

მართლწესრიგის ოფიცრები ანალიზზე დაფუძნებულ საპოლიციო საქმიანობას და დანაშაულის პრევენციისკენ მიმართულ ღონისძიებებს განახორციელებენ.

მართლწესრიგის ოფიცრის ძირითად ფუნქცია-მოვალეობებში შედის არასრულწლოვნებთან დაკავშირებული პრობლემები, ოჯახური კონფლიქტები, ქალთა მიმართ ძალადობა, უკანონო მიგრაცია, სხვადასხვა რისკჯგუფები და მასთან დაკავშირებულ პრობლემებზე მუშაობა. ასევე ერთ-ერთ ძირითად ფუნქციას წარმოადგენს საპოლიციო სერვისების დროული და ეფექტური მიწოდება მოსახლეობის ფართო მასებისთვის.

მართლწესრიგის ოფიცრები მჭიდრო კომუნიკაციაში იქნებიან მუნიციპალიტეტებთან, არსამთავრობო, სამთავრობო ორგანიზაციებთან, ასევე სხვადასხვა დანაყოფებთან პოლიციის, ასევე მჭიდრო კონტაქტი ექნებათ საგანმანათლებლო დაწესებულების წარმომადგენლებთან და მანდატურებთან.

ერთ-ერთი მთავარი ფუქნცა იქნება შესწრებულ დანაშაულზე რეაგირება, საგანმანათლებლო დაწესებულებებში დანაშაულის ჩადენაზე პრევენციული საქმიანობის განხორციელება”, – განაცხადა კახა საბანაძემ.

მსგავსი სიახლეები
კომენტარები
იტვირთება...