“შეცვალე”- ს წევრებმა “ოცნების” შენობის მიმდებარე ტერიტორიას ყვითელი ლენტი შემოახვიეს

“ქართული ოცნების” ოფისთან მოძრაობა “შეცვალე” საპროტესტო აქციას მართავს, სადაც გიორგი რურუასთვის 4-წლიანი პატიმრობის მისჯას აპროტესტებენ.

აქციის მონაწილეებმა ტერიტორია ყვითელი ლენტით შემოსაზღვრეს.

მათი თქმით, სწორედ ამ შენობიდან იმართება ის პროცესები, რაც ქვეყანაში მიმდინარეობს.
“ქართული ოცნება” არის დამნაშავე რეჟიმი, ვინაიდან მათ ჰყავთ პოლიტპატიმრები, როგორც ჩვენი საერთაშორისო პარტნიორები აღნიშნავენ. გიორგი რურუას პატიმრობაში დატოვებით ფაქტობრივად, ბიძინა ივანიშვილმა უთხრა ყველას, რომ 8 მარტის შეთანხმების შესრულებას არ აპირებს და უთხრა, რომ წინასაარჩევნო პერიოდი და არჩევნების დღე დაშინების, ძალადობისა და პოლიტიკური რეპრესიების ფონზე ჩაივლის, 8 მარტის შეთანხმება კი ამის წინააღმდეგ იყო”, – განაცხადა “შეცვალეს” წევრმა, ნიკა ფარულავამ.
აქციაზე იმყოფებიან რურუას ოჯახის წევრები, ახლობლები და მეგობრებიც.
ცნობისთვის, თბილისის საქალაქო სასამართლომ “მთავარი არხის” მეწილე გიორგი რურუა დამნაშავედ ცნო. მოსამართლემ რურუას 4 წლით თავისუფლების აღკვეთა შეუფარდა.
მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად