შეერთებული შტატების ვიცე-პრეზიდენტის აპარატის უფროსს კორონავირუსი დაუდგინდა

შეერთებული შტატების ვიცე-პრეზიდენტის მაიკლ პენსის აპარატის უფროსს მარკ შორტს კორონავირუსი დაუდგინდა.

“ვიცე-პრეზიდენტის პენსისა და ქალბატონი პენსის ტესტების შედეგები უარყოფითია. მიუხედავად იმისა, რომ ვიცე-პრეზიდენტი პენსი მჭიდრო კავშირშია შორტთან, ვიცე-პრეზიდენტი განაგრძობს მუშაობას”, – ნათქვამია გავრცელებულ ინფორმაციაში.

გავრცელებული ინფორმაციის მიხედვით, მაიკლ პენსს შაბათს იგი არ ახლდა ფლორიდაში მოგზაურობის დროს. პენსის პრესსამსახურის მიერ გავრცელებული ინფორმაციის თანახმად, კვირას აშშ-ს ვიცე-პრეზიდენტი აპირებს სამუშაო ვიზიტით ჩრდილოეთ კაროლინას შტატში წასვლას.

მანამდე Bloomberg-მა  დაწერა, რომ კორონავირუსი პენისის მრჩეველს მარტი ობსტს დაუდგინეს.

აშშ-ს ამჟამინდელმა პრეზიდენტმა დონალდ ტრამპმა 2 ოქტომბრის ღამეს Twitter-ზე განაცხადა, რომ მას და მის მეუღლეს კორონავირუსი დაუდგინდათ. იმავე დღეს, სახელმწიფოს მეთაური გადავიდა მერილენდის უოლტერ რიდის სამედიცინო ცენტრში. 5 ოქტომბერს პრეზიდენტმა საავადმყოფო დატოვა და თეთრ სახლში დაბრუნდა. მოგვიანებით ტრამპის ექიმმა თქვა, რომ პრეზიდენტის ტესტების შედეგები უარყოფითი იყო ბოლო რამდენიმე დღის განმავლობაში. ინფექცია ასევე გამოუვლინდა ადმინისტრაციის რამდენიმე მაღალჩინოსანს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად