შალვა პაპუაშვილი: გიორგი გახარია იყო წარმატებული პრემიერი და ჩვენი პარტიის ერთ-ერთი გამორჩეული ლიდერი

“გიორგი გახარია იყო წარმატებული პრემიერი და ჩვენი პარტიის ერთ-ერთი გამორჩეული ლიდერი” – ამის შესახებ მე-10 მოწვევიდ დეპუტატმა საპარლამენტო უმრავლესობიდან შალვა პაპუაშვილმა “საზოგადოებრივ მაუწყებელთან” განაცხადა.

„ირაკლი ღარიბაშვილი ყველა სფეროში იყო წარმატებული და პოლიტსაბჭოზე იყო განხილული როგორც ერთადერთი კანდიდატი, მას ჰქონდა სრული მხარდაჭერა. ის გახლავთ ის პრემიერ-მინისტრი, რომლის ხელმოწერაც 2014 წელს დაესვა საქართველოსა და ევროკავშირის ასოცირების შეთანხმებაზე. დარწმუნებული ვართ, რომ 2024 წელს იქნება მისი ხელმოწერა საქართველოს განაცხადზე ევროკავშირში წევრობაზე.

გიორგი გახარია იყო წარმატებული და „ქართული ოცნების“ გუნდის ერთ-ერთი გამორჩეული ლიდერი.

ეს გადაწვეტილება არ იყო მარტივი „ქართულო ოცნებისთვის“. სწორედ ამაზე ვსაუბრობ, რომ ოპონენტები ცდილობენ შექმნან დილემები მარტივი სიტუაციიდან და ხანდახან ეს დილემები არ არის ყველასთვის ადვილი გადასაწყვეტი” –  განაცხადა შალვა პაპუაშვილმა.

 

ცნობისთვის, გუშინ დილით  შსს-მ ნიკა მელიას განჩინება ნაცმოძრაობის ოფისში მიუტანა, მაგრამ შენობაში არ შეუშვეს

რის შემდეგ უწყებამ განცხადება გაავრცელა, სადაც ნათქვამია: შსს ნიკა მელიას: სასამართლოს გადაწყვეტილების შეუსრულებლობა ან მისი შესრულებისთვის ხელის შეშლა ისჯება კანონით

მოგვიანებით კი საქართველოს პრემიერმინისტრმა გიორგი გახარიამ გააკეთა განცხადება გადადგომის შესახებ.   სულ რამდენიმე საათში კი „ოცნებამ“ ირაკლი ღარიბაშვილი პრემიერმინისტრობის კანდიდატად წარადგინა

შეგახსენებთ, გუშინ 6 საათიანი განხილვის შემდეგ, თბილისის საქალაქო სასამართლოს მოსამართლე ნინო ჩახნაშვილმა გაითვალისწინა საქართველოს გენერალური პროკურორატურის შუამდგომლობა და ნიკა მელიას აღკვეთი ღონისძიების სახედ შეფარდებული გირაო პატიმრობით შეუცვალა.

17 თებერვალს კი, 88 მომხრე 2 წინააღმდეგი მე-10 მოწვევის პარლამენტში, “ქართული ოცნების” დეპუტატებმა მხარი დაუჭირეს გენერალური პროკურორის ირაკლი შოთაძის შუამდგომლობას და პარტია “ნაციონალური მოძრაობის” თავმჯდომარის, ამავე მოწვევის პარლამენტის დეპუტატს, ნიკა მელიასთვის დეპუტატის უფლებამოსილება შეუჩერეს და სასამართლოს მიერ შეფარდებული გირაოს პატიმრობით შეცვლაზე თანხმობა მისცეს.

ოპოზიციონერმა დეპუტატებმა დავით ზილფიმიანმა და  ფრიდონ ინჯიამ, საკომიტეტო მოსმენაზე მხარი არ დაუჭირეს შოთაძის შუამდგომლობას. ხოლო სასესიო დარბაზშივე ალეკო ელისაშვილმა და ლევან იოსელიანმა მხარი არ დაუჭირეს გენერალური პროკურორის შუამდგომლობას, რომელიც პარლამენტს საპროკურორო ზედამხედველობის სამმართველოს უფროსმა ამირან გულუაშვილმა წარუდგინა.

გუშინვე საქართველოს გენერალურმა პროკურატურამ პარტია “ნაციონალური მოძრაობის” თავმჯდომარის ნიკა მელისთვის გირაოს პატიმრობით შეცვლის შუამდგომლობით სასამართლოს მიმართა.

ცნობისთვის, პარტია “ნაციონალური მოძრაობის” თავმჯდომარე ნიკა მელიას თბილისის საქალაქო სასამართლოს 2020 წლის 3 ნოემბრის განჩინებით, ბრალდებულ ნიკანორ მელიას მიმართ მანამდე გამოყენებული აღკვეთის ღონისძიება გამკაცრდა და გირაოს ოდენობა გაიზარდა 40 000 ლარით.
სასამართლომ 40 000 ლარის გადახდის ვადად 50 დღე განსაზღვრა.

2021 წლის 5 თებერვალს პროკურატურამ გაავრცელა განცხადება, რომ გირაოს პირობების შეუსრულებლობის შედეგების შესახებ გაფრთხილების მიზნით, ნიკა მელია გენერალურ პროკურატურაში დაიბარეს

2021 წლის 12 თებერვალს პროკურატურამ ნიკა მელიასთვის გირაოს პატიმრობით შეცვლის შუამდგმლობით პარლამენტს მიმართა

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად