შალვა კიკნაველიძე მოსახლეობასთან შეხვედრებს განაგრძობს

„ქართული ოცნება-დემოკრატიული საქართველოს“ ზესტაფონის მაჟორიტარობის კანდიდატი შალვა კიკნაველიძე ზოვრეთის, ქვედა საქარისა და არგვეთის მოსახლეობას შეხვდა,- ამის შესახებ ინფორმაციას პარტია "ქართული ოცნება-დემოკრატიული საქართველო" ავრცელებს.

შეხვედრებზე მაჟორიტარობის კანდიდატმა ამომრჩეველს პირველ ტურში გამოცხადებული ნდობისა და მხარდაჭერისთვის მადლობა გადაუხადა, აქტიურობისაკენ მოუწოდა და იმედი გამოთქვა, რომ ზესტაფონელი ხალხი, ისევე როგორც საქართველოს მოსახლეობის უმრავლესობა, აღარასდროს გააკეთებს არჩევანს წარსულის სასარგებლოდ და მხარს თავისუფლებას, სწრაფ განვითარებას და კეთილდღეობას დაუჭერს.

„ვფიქრობ, 30 ოქტომბერს მოსახლეობას გადაწყვეტილების მიღება არ გაუჭირდება. პირველ ტურში ზესტაფონელებმა დაამტკიცეს, რომ მათი არჩევანი უსაფრთხო, თავისუფალი და სტაბილური მომავალია. დარწმუნებული ვარ, მათი უმრავლესობა არჩევანს წინსვლის, კეთილდღეობის და სწრაფი განვითარების სასარგებლოდ გააკეთებს. ჩვენ აღარასდროს აღარ დავბრუნდებით წარსულში“,- განაცხადა შალვა კიკნაველიძემ.

 

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად