სერბეთის პრეზიდენტი ვუჩიჩი: დღეს ყველაზე მძიმე დღეა, დილით უკვე გვყავდა 47 გარდაცვლილი

ეს განცხადება სერბეთის პრეზიდენტმა ალექსანდრ ვუჩიჩმა ბელგრადში გამართულ პრესკონფერენციაზე გააკეთა

სერბეთში 47 კაცია გარდაცვლილი კორონავირუსით და ყველა პარამეტრის მიხედვით ჩანს, რომ დღეს ეპიდემიის დაწყებიდან ყველაზე მძიმე დღე გვექნება, – განაცხადა დღეს დილით, აღრიცხვიანობის 24-საათიანი ინტერვალის დასრულებამდე ცოტა ხნით ადრე სერბეთის პრეზიდენტმა ალექსანდრ ვუჩიჩმა.

საავადმყოფოებში სიტუაცია მძიმეა. როცა თქვენ ხედავთ, რომ გამოკვლეული 10000 კაციდან 1000 საავადმყოფოშია გადასაყვანი, იქ კი ადგილები არაა, ნათელია რა სიტუაციაა, – თქვა ვუჩიჩმა.

„თუ ჩვენ დისციპლინირებულები და პასუხისმგებლიანები არ ვიქნებით, კატასტროფულ სიტუაციაში აღმოვჩნდებით” – განაცხადა პრეზიდენტმა.

რაც შეეხება ვაქცინას, ყველა ცდილობს მას მიაგნოს, მაგრამ სერბეთში არ გვყვანან სპეციალისტები, რომლებსაც ეს ძალუძთ, – აღნიშნა ვუჩიჩმა.

„მხოლოდ რამდენიმე ქვეყანას შეუძლია ვაქცინის შექმნა. ჩვენ შევეცდებით ვიყოთ ერთ-ერთი პირველი იმ პატარა ქვეყნებს შორის, ვინც მათგან ვაქცინას მიიღებს.”

ვამბობთ, რომ კორონა არ არსებობს, მან კი 1300 კაცი მოკლა, – განაცხადა ვუჩიჩმა.

ალექსანდრ ვუჩიჩის მიერ გამართული პრესკონფერენციიდან მალევე ცნობილი გახდა, რომ განვლილ 24 საათში სერბეთში 51 კაცი გარდაიცვალა კორონავირუსით და 21569 ტესტირებულიდან 7606 კაცს დაუდგინდა ინფიცირება. სულ სერბეთში (მოსახლეობა 8 723 041) 148 214 კოვიდინფიცირებულია გამოვლენილი (47-ე ადგილი მსოფლიოში). კორონავირუსით გარდაცვლილია 1366 კაცი (67-ე ადგილი მსოფლიოში).

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად