საუდის არაბეთმა კომპანია Saudi Aramco 1,7 ტრილიონ აშშ დოლარად შეაფასა

მსოფლიოს უდიდესმა ნავთობისა და გაზის კომპანიამ Saudi Aramco, თავისი ლისტინგისთვის შეფასების დიაპაზონი დაადგინა, რომლის მიხედვითაც, საუდის არაბეთის ნაციონალური კორპორაციის ღირებულება 1,6-დან 1,7 ტრილიონ აშშ დოლარამდე არის შეფასებული. ამის შესახებ Bloomberg-ი წერს.

აქამდე ერ-რიადში აცხადებდნენ, რომ IPO-ს მიხედვით 2 ტრილიონ აშშ დოლარიან შეფასებას ელოდნენ.

განახლებულ ინფორმაციაში, რომელიც კომპანიამ კვირას, 17 ნოემბერს გამოაქვეყნდა, Saudi Aramco იუწყება, რომ თავისი აქციების 1,5%-ის გაყიდვას აპირებს, რაც დაახლოებით 3 მილიარდ აქციას უდრის. ამგვარად, ნავთობისა და გაზის გიგანტი კომპანია 25,6 მილიარდი აშშ დოლარის მიზიდვას აპირებს. განთავსებული აქციების საბოლოო მოცულობა 5 დეკემბერს გახდება ცნობილი. ამგვარად, Aramco-მ შესაძლოა მოხსნას ჩინური გიგანტი კომპანია Alibaba-ს მიერ მიზიდული 25 მილიარდ აშშ დოლარიანი მაჩვენებელი.

საუდის არაბეთი Saudi Aramco-ს IPO-ს განიხილავს, მემკვიდრე პრინცის მუჰამედ ბინ სალმანის გეგმების საკვანძო ეტაპად ეკონომიის დივერსიფიკაციის საკითხში. Aramco-ს IPO-დან მიღებული შემოსავალი საუდის არაბეთის ნაციონალურ კეთილდღეობასა და სახელმწიფო პროგრამა – Vision 2030-ის დაჩქარებას მოხმარდება. Vision 2030 – ეს ქვეყნის ეკონომიკის დივერსიფიკაციის ყოვლისმომცველი სამოქმედო გეგმაა, რომელმაც ქვეყნის ნავთობის ექსპორტზე დამოკიდებულებაც უნდა შეამციროს.

16 ბანკს შორის, რომლებიც Saudi Aramco-ს IPO-ს მომზადებაში იღებენ მონაწილეობას, კომპანიის შეფასების დიაპაზონი 1,1-დან 2,5 ტრილიონ აშშ დოლარამდე მერყეობს, ხოლო საშუალო ღირებულებამ 1,75 ტრილიონი აშშ დოლარი შეადგინა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად