საქართველოს ფეხბურთელთა ნაკრები გუნდის მეტოქეები ცნობილია

დღეს ირლანდიის დედაქალაქ დუბლინში ფეხბურთში ევროპის 2020 წლის ჩემპიონატის შესარჩევი ეტაპის წილისყრა გაიმართა.

კენჭისყრით გუნდები 10 ჯგუფში გადანაწილდნენ. საქართველოს D ჯგუფში შვეიცარიასთან, დანიასთან, ირლანდიასთან და გიბრალტართან ბრძოლაში შეეცდება ევროპის ჩემპიონატის ფინალურ ეტაპის საგზურის მოპოვებას. ფინალურ ეტაპზე თითოეული ჯგუფიდან ორ-ორი საუკეთესო გუნდი იასპარეზებს.

შესარჩევი ეტაპი 2019 წლის 21 მარტს დაიწყება და იმავე წლის 19 ნოემბერს დასრულდება. საკვალიფიკაციო ეტაპიდან გასულ 20 გუნდს ერთა ლიგიდან 4 დაემატება და ფინალურ ეტაპზე 24 გუნდი ითამაშებს.

შეგახსენებთ, რომ საქართველოს ნაკრები ერთა ლიგის პლეი-ოფშია გასული და იმ შემთხვევაში, თუ საკვალიფიკაციო ეტაპზე პირველ ან მეორე ადგილზე ვერ გავა, ექნება კიდევერთი შანსი ფინალში მოხვედრის. ამისთვის მან პლეი-ოფში უნდა მოიპოვოს გამარჯვება.

საქართველოს ნაკრების და მისი მომავალ მეტოქეების ურთიერთშეხვედრების შედეგები ასეთია:

2002 შვეიცარია 4:1 საქართველო, ევრო-2004, შესარჩევი
2003 საქართველო 0:0 შვეიცარია, ევრო-2004, შესარჩევი

2004 საქართველო 2:2 დანია, ფიფა-2006, შესარჩევი
2005 დანია 6:1 საქართველო, ფიფა-2008, შესარჩევი
2013 დანია 2:1 საქართველო, ამხანაგური

2003 საქართველო 1:2 ირლანდია, ევრო-2004, შესარჩევი
2003 ირლანდია 2:0 საქართველო, ევრო-2004, შესარჩევი
2008 საქართველო 1:2 ირლანდია, ფიფა-2010, შესარჩევი
2009 ირლანდია 2:1 საქართველო, ფიფა-2010, შესარჩევი
2013 ირლანდია 4:0 საქართველო, ამხანაგური
2014 საქართველო 1:2 ირლანდია, ევრო-2016, შესარჩევი
2015 ირლანდია 1:0 საქართველო, ევრო-2016, შესარჩევი
2016 ირლანდია 1:0 საქართველო, ფიფა-2018, შესარჩევი
2017 საქართველო 1:1 ირლანდია, ფიფა-2018, შესარჩევი

2014 გიბრალტარი 0:3 საქართველო, ევრო-2016, შესარჩევი
2015 საქართველო 4:0 გიბრალტარი, ევრო-2016, შესარჩევი

მასალა მოამზადა რაულ კაპანაძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად