საგარეჯოს მერმა მოადგილე თანამდებობიდან გაათავისუფლა

საგარეჯოს მუნიციპალიტეტის მერმა,გიორგი ერბოწონაშვილმა მოადგილე პაატა ასრათაშვილი დაკავებული თანამდებობიდან გაათავისუფლა. მერის თქმით, გათავისუფლების მიზეზი სპორტულ ა.ა.ი.პ.-ში შექმნილი არეულობა გახდა.

“პაატა ასრათაშვილი კურირებდა იმ სპორტულ ა.ა.ი.პ-ს, რომელმაც პრობლემები შექმნა. მე ის რამდენიმე კვირის წინაც გავაფრთხილე ამის შესახებ, თუმცა საკითხი ვერ მოაგვარა, ძირითადად ეს გახდა პაატას გათავისუფლების მიზეზი. მას მერე, რაც მამუკა კურდღელაშვილი დისციპლინური დარღვევების გამო გავათავისუფლე დაკავებული პოსტიდან, სპორტსმენებმა ფაქტობრივად საბოტაჟი მოაწყეს. რაც შეეხება პაატას, მისი მხრიდან არ ყოფილა საბოტაჟის მცდელობა, ის ჩემი მეგობარია, უბრალოდ პროფესიონალი ადამიანები მჭირდება სამსახურში.”- განაცხადა მერმა.

პაატა ასრათაშვილმა აღნიშნულ საკითხზე კომენტარის გაკეთებისგან თავი შეიკავა.

მსგავსი სიახლეები
კომენტარები
იტვირთება...