სადღესასწაულო დღეებში ალკოჰოლური ინტოქსიკაციის 785 შემთხვევა დაფიქსირდა – აქედან 658 ადამიანი ჰოსპიტალიზირებულია

სადღესასწაულო დღეებში საქართველოს მასშტაბით ალკოჰოლური ინტოქსიკაციის მიზეზით სასწრაფო-სამედიცინო დახმარების გამოძახების სტატისტიკა გაიზარდა.

საგანგებო სიტუაციების კოორდინაციისა და გადაუდებელი დახმარების ინფორმაციით, 2021 წლის 2 მაისიდან და 4 მაისის დილის 10:00 საათამდე პერიოდში საქართველოს მასშტაბით დაფიქსირებულია ალკოჰოლური ინტოქსიკაციის 785 შემთხვევა. აქედან ჰოსპიტალიზირებულია 658 ადამიანი.

აღნიშნული შემთხვევები შემდეგი რაოდენობით გადანაწილდა: თბილისი – 281 პაციენტი, ჰოსპიტალიზაცია – 226. საქართველოს დანარჩენი რეგიონები – 504, ჰოსპიტალიზაცია – 432.

დასახელებულ პერიოდში მოიმატა კვებითი ინტოქსიკაციის შემთხვევებმაც. ამ მიზეზით ცენტრში 411 გამოძახება დაფიქსირდა, საიდანაც 194 ჰოსპიტალიზაციით დასრულდა. კვებითი ინტოქსიკაციის შემთხვევები ასე გადანაწილდა: თბილისი – 121 პაციენტი, ჰოსპიტალიზაცია – 27, საქართველოს სხვა რეგიონები: 290 პაციენტი, ჰოსპიტალიზაცია – 167.

წყარო საქართველოს პირველი არხი

მსგავსი სიახლეები
კომენტარები
იტვირთება...