საჩხერეში, ქორეთის ადმინისტრაციულ ერთეულში შემავალ სოფლებს სასმელი წყლის პრობლემა მოუგვარდებათ
ქორეთის ადმინისტრაციულ ერთეულში შემავალი სოფლების სასმელი წყლის სისტემების მოწყობის სამუშაოები მიმდინარეობს. ამ დროისთვის დაიწყო წყლის რეზერვუარის მშენებლობა.
პროექტს ტენდერში გამარჯვებული შპს “ინდივიდ – პარტნიორი” სახელშეკრულებო ღირებულებით 1,272,922 ლარად ასრულებს (აღნიშნული თანხა გათვალისწინებულია 2 ეტაპზე). პირველი ეტაპისთვის უნდა შესრულდეს 800,000 ლარის ღირებულების სამუშაოები. ეს უკანასკნელი კი 3 რეზერვუარის, სატუმბი სადგურისა და მაგისტრალური წყალსადენის მოწყობას გულისხმობს.