რუსეთი სირიაში თურქი სამხედროების დაღუპვაზე პასუხისმგებლობას იხსნის

რუსული საინფორმაციო სააგენტოები ავრცელებენ თავდაცვის სამინისტროს ოფიციალურ განცხადებას, რომლის თანახმად, 27 თებერვალს, დასახლებულ პუნქტ ბეჰუნთან სირიის ჯარებმა იერიში მიიტანეს ტერორისტთა დაჯგუფება „ჰაიათ ტაჰრირ ან-შამზე“, რომელიც იდლიბის დეესკალაციის ზონაში ცდილობდა ფართომასშტაბიან შეტევას სირიის სამთავრობო ძალებზე.

რუსეთის თავდაცვის სამინისტრო ირწმუნება, რომ ერთი დღე-ღამის განმავლობაში, დაპირისპირებულ მხარეთა შერიგების რუსული ცენტრი თურქული მხარისგან მუდმივად ითხოვდა მისი სამხედროების კოორდინატებს და დადასტურებასაც იღებდა, ამ მონაცემებით კი, თურქები ბეჰუნთან არ იმყოფებოდნენ და არც უნდა ყოფილიყვნენ.

შეგახსენებთ, რომ იდლიბში, თურქი სამხედროების კოლონაზე სირიის საჰაერო ძალების მიერ განხორციელებული საჰაერო თავდასხმის შედეგად დაღუპულთა რაოდენობამ 33-ს მიაღწია, ხოლო დაშავებულია 35-ზე მეტი სამხედრო. თავდასხმა თურქულ კოლონაზე რამდენიმე საათის წინ მოხდა. მომხდარის საპასუხოდ კი, თურქეთის ძალებმა, სირიის სამთავრობო პოზიციებზე იერიშის მიტანა დაიწყო.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად