რომან კაკულია ლევან კობერიძეს: როგორც ჩანს, მძინარე ფორმით შემოგიყვანეს “ქართულ ოცნებაში” და გვიან გამოიღვიძე, არავის არ ეშინია შენი ბღვერის

პარლამენტის დარგობრივი ეკონომიკისა და ეკონომიკური პოლიტიკის კომიტეტის დღევანდელ სხდომაზე, “ელექტრონული კომუნიკაციების შესახებ” კანონში ცვლილებებს მეორე მოსმენით განიხილვისას კომიტეტის თავმჯდოამარე  რომან კაკულია და დამოუკიდებელი დეპუტატი  ლევან კობერიძე ერთმანეთს დაუპირისპირდნენ.

რომან კაკულიამ ლევან კობერიძეს მიმართა, დარწმუნებულია თუ არა რომ სიღრმისეულად იცის კანონპროექტი და იცის რაზეც საუბრობს.

„მგონია, რომ შენ არ ხარ დარწმუნებული და სხვის დაკრულზე ცეკვავ. ეკონომიკური კომიტეტის თავმჯდომარე ხარ ოთხი წელია და რა ხდება ეკონომიკაში, ვერც შენ გაგირკვევია და ვერც სხვას, არც პასუხი არ მოგითხოვია არავისთვის. თუ ეგ ლაპარაკი გინდა, შემიძლია გავაგრძელო, მათ შორის გინდა ენერგეტიკა, გინდა ტელეკომუნიკაცია, რა პოლიტიკას ატარებ, თუ იცი“, – მიმართა ლევან კობერიძემ რომან კაკულიას.

ლევან კობერიძის ამ განცხადებას კომიტეტის თავმჯდომარემ უპასუხა და დეპუტატს წესიერად საუბრისკენ მოუწოდა.

“როგორც ჩანს, მძინარე ფორმით შემოგიყვანეს “ქართულ ოცნებაში” და გვიან გამოიღვიძე, არავის არ ეშინია შენი ბღვერის. მორჩი ამ ბღვერებს და წესიერად ილაპარაკე. შენ რომ ძალიან გვიან გამოიღვიძე, ძალიან მოხარულები ვართ ამ გამოღვიძებით.”შენი პოლიტიკური ბულინგის არავის ეშინია. შენ შეაშინე ვისაც შეშინებია ის. დაწყნარდი, თუ ძმა ხარ, მორჩი ბოდიალს და პოლიტიკურ დემაგოგიას“, – მიმართა რომან კაკულიამ ლევან  კობერიძეს.

„მგონია, რომ ძალიან პირადულ შეურაცხყოფაზე გადადიხარ. დაყენებული სახით ლაპარაკობ, მიიღებ ერთ ალიყურს და ღირსიც იქნები. შენ ხარ უზრდელი და მაგისთვის მიიღებ, დემაგოგიც ხარ და მიიღებ მაღალ ალიყურს. ცოტა ღირსება შეინარჩუნე თუ გვაქვს კიდევ ცოტა რესურსი“, – მიმართა ლევან კობერიძემ რომან კაკულიას.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად