იონათამიშვილი ბესელიას: შეზღუდული შესაძლებლობის მქონე ადამიანები, ვიბრძვით ჩვენი მდგომარეობიდან, მაგრამ არასდროს ვსარგებლობთ ჩვენი მდგომარეობით

ასე პასუხობს საპარლამენტო უმრავლესობის წევრი რატი იონატამიშვილი დამოუკიდებელ დეპუტატს, ეკა ბესელიას, ი

“ჩვენ, შეზღუდული შესაძლებლობის მქონე ადამიანები, ვიბრძვით ჩვენი მდგომარეობიდან, მაგრამ არასდროს ვსარგებლობთ ჩვენი მდგომარეობით. ეტლი არის ჩვენი საჭიროება და არა – დიაგნოზი. როცა ადამიანის უფლებების კომიტეტის ყოფილი თავმჯდომარე შეზღუდულ შესაძლებლობაზე მიგითითებს, ამით თითოეულ შშმ პირს აყენებს შეურაცხყოფას. ამაზე უკადრებელი უკვე აღარ ვიცი, რა უნდა თქვას. ესეთი მენტალიტეტი ქმნის სტერეოტიპებს და ამას ვებრძვი მას შემდეგ, რაც ეტლის საჭიროება მაქვს“- განაცხადა რატი იონათამიშვილმა.

შეგახსენებთ, კამათი პარლამენტის იურიდიულ საკითხთა კომიტეტის სხდომაზე მოხდა, სადაც იუსტიციის საბჭოს მდივანს გიორგი მიქაუტაძეს უსმენენ. ეკა ბესელიამ რატი იონათამიშვილს ასე მიმართა: ნუ მაწყვეტინებ და ნუ სარგებლობ რაღაცეებით…

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად