A1 ბანერი

რეჟისორი ბერნარდო ბერტოლუჩი გარდაიცვალა

77 წლის ასაკში ხანგრძლივი ავადმყოფობის შედეგად, იტალიური და მსოფლიო კინემატოგრაფის სახელოვანი კინორეჟისორი, ბერნარდო ბერტოლუჩი გარდაიცვალა. ამის შესახებ ინფორმაციას იტალიური გამოცემა Corriere della Sera ავრცელებს.

იტალიელი რეჟისორის გარდაცვალების შესახებ ასევე  ადგილობრივი ტელეარხი Rai News 24 იუწყება.

ბერნარდო ბერტოლუჩი 1941 წლის 16 მარტს იტალიაში დაიბადა. იგი აშშ–ს კინოაკადემიის პრემია ოსკარის მფლობელია ფილმისათვის „უკანასკნელი იმპერატორი“.

კერძოდ, 1987 წელს ბერნარდო ბერტოლუჩიმ გადაიღო ფილმი „უკანასკნელი იმპერატორი“, ბიოგრაფიული ფილმი ჩინეთის უკანასკნელი იმპერატორის პუ ის შესახებ. ეს ფილმი ოსკარების გადაცემის ცერემონიალზე ცხრა პრიზით დაჯილდოვდა: საუკეთესო ფილმი, საუკეთესო რეჟისორი, საუკეთესო ადაპტირებული სცენარი, საუკეთესო ოპერატორული ნამუშევარი, საუკეთესო მონტაჟი, საუკეთესო კოსტუმების დიზაინი, საუკეთესო მხატვრული გაფორმება, საუკეთესო ორიგინალური მუსიკა, საუკეთესო ხმის ეფექტები.

სტატიის ავტორი თაკო ჩხაიძე
მსგავსი სიახლეები
კომენტარები
იტვირთება...