1 დეკემბრიდან, რესტორნებს სამუშაო საათებზე დაწესებული შეზღუდვა ეხსნებათ

უწყებათაშორის საკოორდინაციო საბჭოს გადაწყვეტილებით, 1 დეკემბრიდან, რესტორნებს სამუშაო საათებზე დაწესებული შეზღუდვა ეხსნებათ.

ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსმა, გიორგი ღიბრაძემ საკოორდინაციო საბჭოს სხდომის დასრულების შემდეგ განაცხადა.

„რესტორნებს, რომელთაც პირველი დეკემბრიდან სტუმრების მიღება შეუძლიათ მხოლოდ მწვანე სტატუსით, მოეხსნებათ საათობრივი შეზღუდვა მუშაობაზე. კერძოდ, ყველა რესტორანი ვალდებულია, მომხმარებელი პირველი დეკემბრიდან მიიღოს მხოლოდ მწვანე სტატუსის შემთხვევაში და პირველი დეკემბრიდანვე მოიხსნება საათობრივი შეზღუდვა მუშაობაზე, ანუ მათ შეუძლიათ, იმუშაონ, რამდენ ხანსაც ჩათვლიან საჭიროდ“, – განაცხადა გიორგი ღიბრაძემ.

დღეისთვის რესტორნების მუშაობაზე საათობრივი შეზღუდვა მოქმედებს და ისინი 23:00 საათამდე მუშაობენ.

კომენტარები
იტვირთება...