ქუთაისში, სულხან-საბას გამზირზე ახალი სკვერი გაიხსნა

დასრულებული სამუშაოები იმერეთში, სულხან-საბას გამზირზე სახელმწიფო რწმუნებულმა ზვიად შალამბერიძემ, ქუთაისის მერის მოვალეობის შემსრულებელმა დავით ერემეიშვილმა, პარლამენტის მაჟორიტარმა დიმიტრი მხეიძემ და ვაკისუბნის მაჟორიტარმა დეპუტატმა საკრებულოში, მამუკა რიჟამაძემ დაათვალიერეს.

სკვერის ტერიტორიაზე გაშენდა მწვანე დეკორატიული ნარგავები, მოეწყო მარტივი ტიპის სპორტული მოედანი ფეხბურთისა და კალათბურთისთვის, შესაბამისი განათების სისტემა, დაიდგა ძელსკამები და მოწესრიგდა საპარკე ინფრასტრუქტურა.

სამუშაოები, რომლის ღირებულებაა 485 113 ლარი, გასული წლის ნოემბერში დაიწყო და შპს „ნიუ სთაილმა“ შეასრულა.

ავანგარდის დასახლებაში აქამდე ფაქტობრივად მსგავსი სარეკრეაციო ზონა არ არსებობდა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად