ქუთაისის მერი გიორგი ჭიღვარია ქალაქის შემოსასვლელებში გახსნილ საკონტროლო-გამშვებ პუნქტებთან იმყოფებოდა

ქუთაისის მერმა გიორგი ჭიღვარიამ ქალაქის შემოსასვლელებში გახსნილ საკონტროლო-გამშვები პუნქტები მოინახულა პარლამენტის მაჟორიტარ დეპუტატ დიმიტრი მხეიძესთან ერთად და იქ არსებულ მდგომარეობას გაეცნო.

31 მარტის 08:00 საათიდან საქართველოს მთელ ტერიტორიაზე საყოველთაო კარანტინი ამოქმედდა. თბილისის, ბათუმის, ქუთაისის, რუსთავის, ზუგდიდის, ფოთისა და გორის შესასვლელებში მოეწყო საკონტროლო გამშვები პუნქტები . ქუთაისის ყველა შესასვლელთან შსს-ს შესაბამისი დანაყოფების თანამშრომლები, თავდაცვის ძალებთან ერთად, საკონტროლო პუნქტების მეშვეობით, ქალაქის ადმინისტრაციულ საზღვრებზე ადამიანთა გადაადგილებას და საგანგებო მდგომარეობის გამკაცრებული პირობების შესრულებას აკონტროლებენ. აქვე ხდება მოქალაქეთა პირველადი თერმოსკრინინგი.

„ახლა სასიცოცხლოდ მნიშვნელოვანია ჩვენი მოქალაქეები დაემორჩილნონ კარანტინის დროს მოქმედ წესებს , მაქსიმალურად შეზღუდონ გადაადგილება და დარჩნენ სახლებში. ქუთაისის ყველა შემოსასვლელში მკაცრად გაკონტროლდება ქალაქში მსუბუქი ავტომობილებით და ტაქსებით შემოსული ყველა მგზავრი. ამ საკონტროლო-გამშვებ პუნქტებთან ახლა დგას ჩვენი ქვეყნის პოლიცია და თავდაცვის ძალები, რომლებიც დაკისრებულ მოვალეობებს ასრულებენ პირნათლად. მთავარია, დავემორჩილოთ წესებს! “- აცხადებს ქუთაისის მერი გიორგი ჭიღვარია.

მოქალაქეებს გადაადგილების დროს თან უნდა ჰქონდეთ პირადობის დამადასტურებელი მოწმობები. 21:00 საათიდან 06:00 საათამდე იმოქმედებს ე.წ. „კომენდანტის საათი“, დროის ამ მონაკვეთში იკრძალება როგორც ქვეითად, ისე ტრანსპორტით გადაადგილება.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად