ქიმიის საერთაშორისო ოლიმპიადაზე ქართველმა მოსწავლეებმა ბრინჯაოს მედლები მოიპოვეს

პარიზში ამ წუთებში დასასრულს უახლოვდება ქიმიაში მოსწავლეთა შორის 51-ე საერთაშორისო ოლიმპიადის დახურვის ცერემონიალი.

ოლიმპიადაზე დამკვირებლის სტატუსით მონაწილე 6 და 80 სრულფასოვანი წევრი-ქვეყანა იყო წარმოდგენილი.

საქართველოს ნაკრების შემადგენლობაში იყვნენ:

ნინი აბესაძე (თბილისის პირველი ექსპერიმენტული საჯარო სკოლა, მე-11 კლასი)

საბა გოგიჩაიშვილი (ვლადიმირ კომაროვის თბილისის ფიზიკა-მათემატიკის №199 საჯარო სკოლა, მე-12 კლასი)

გვანცა მარგველაშვილი ( ვლადიმირ კომაროვის თბილისის ფიზიკა-მათემატიკის №199 საჯარო სკოლა, მე-12 კლასი)

ლაშა ხუციშვილი ( თბილისის №186 საჯარო სკოლა, მე-12 კლასი)

საქართველოს მოსწავლეთა ნაკრები ქიმიის საერთაშორისო ოლიმპიადებზე წელს მეექვსედ იღებდა მონაწილეობას. ნაკრების აქტივში დღემდე 7 ბრინჯაოს მედალი და ერთი წამახალისებელი დიპლომი იყო. დღეს მედლების რაოდენობა ორით გაიზარდა.

გამარჯვებულთა შორის დასახელდნენ და ბრინჯაოს მედლები გადაეცათ ქართველ მოსწავლეებს ლაშა ხუციშვილს და საბა გოგიჩაიშვილს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად