ქართველი სინქრონულად მოცურავეების 15 ოქრო, 11 ვერცხლი და 7 ბრინჯაო საერთაშორისო ტურნირიდან

4-6 ივნისს, ლატვიის დედაქლაქ რიგაში ჩატარდა ღია პირველობა სინქრონულ ცურვაში – „ლატვიის თასი“, რომელშიც მონაწილეობას იღებდნენ 10 ქვეყნის წარმომადგენლები, ხუთ ასაკობრივ ჯგუფში. შეჯიბრში საქართველოს სახელით 14 სპორტსმენი იღებდა მონაწილეობას, სხვადასხვა დისციპლინაში – აუცილებელი პროგრამით, სოლო პროგრამით, წყვილთა შორის და ჯგუფური გამოსვლით.

საერთო ჯამში, ჩვენმა სპორტსმენებმა 33 მედალი, 15 ოქრო, 11 ვერცხლი და 7 ბრინჯაო მოიპოვეს. ამის შესახებ ინფორმაციას პორტალი “ქართული სპორტის სტატისტიკა” ავრცელებს.

განათლების, მეცნიერების, კულტურისა და სპორტის მინისტრის პირველი მოადგილე მიხეილ გიორგაძე, მოადგილე შალვა გოგოლაძე და სპორტის განვითარების დეპარტამენტის უფროსი ირაკლი დოლაბერიძე  საერთაშორისო ტურნირიდან წარმატებით დაბრუნებულ ახალგაზრდა მოცურავეებსა და მწვრთნელებს შეხვდნენ.

მინისტრის მოადგილეებმა მწვრთნელებისგან ტურნირის შესახებ დეტალური ინფორმაცია მოისმინეს და სამომავლო გეგმებზე ისაუბრეს. სინქრონულად მოცურავეები ახალი პროგრამის განხორციელებას დაიწყებენ, რომლის მიზანიც 2024 წლის პარიზის ზაფხულის ოლიმპიურ თამაშებზე ქართველი მოცურავეების მხრიდან ლიცენზიების მოპოვებაა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად