A1 ბანერი

პუტინი: აშშ-ს ”საშუალო და მოკლე მანძილის რაკეტების ლიკვიდაციის შესახებ” ხელშეკრულების დარღვევაზე მტკიცებულება არ წარმოუდგენია

რუსეთის პრეზიდენტის ვლადიმერ პუტინის განცხადებით, შეერთებულ შტატებს არ წარმოუდგენია მტკიცებულება, რომ რუსეთმა საშუალო და მოკლე მანძილის რაკეტების ლიკვიდაციის შესახებ” ხელშეკრულება დაარღვია. ამის შესახებ სააგენტო „რია ნოვოსტი“ იტყობინება.

“როგორც ყოველთვის, არ არის წარმოდგენილი მტკიცებულება, რომ ჩვენ ხელშეკრულებას ვარღვევთ”- აღნიშნა ვლადიმერ პუტინმა.

აშშ-ს სახელმწიფო მდივნის მაიკ პომპეოს განცხადებით, ვაშინგტონი მოსკოვს 60 დღიან ვადას აძლევს იმისთვის, რომ “საშუალო და მოკლე მანძილის რაკეტების ლიკვიდაციის შესახებ” ხელშეკრულებით ნაკისრი ვალდებულებები შეასრულოს.

“საშუალო და მოკლე მანძილის რაკეტების ლიკვიდაციის შესახებ ხელშეკრულების“ დარღვევა არ შეიძლება განვიხილოთ მსოფლიოში რუსეთის უკანონონო ქმედებების უფრო დიდი მაგალითებისგან განცალკევებით. რუსეთის სამარცხვინო ქმედებების ჩამონათვალი დიდია: საქართველო, უკრაინა, სირია, არჩევნებში ჩარევა, სკრიპალები და ახლა კერჩის სრუტე. ეს მხოლოდ რამდენიმე მაგალითია. ამ ფაქტის გათვალისწინებით, დღეს შეერთებული შტატები აცხადებს, რომ ჩვენ დავადგინეთ რუსეთის მიერ ხელშეკრულების დარღვევა. 60 დღეში შეერთებული შტატები შეაჩერებს ჩვენს მიერ აღებული ვალდებულებების განხორციელებას, თუკი რუსეთი არ დაუბრუნდება ხელშეკრულებით პირობების შესრულებას,”-აცხადებს მაიკ პომპეო.

მან დასძინა, რომ მხოლოდ რუსეთს შეუძლია ხელშეკრულება დაიცვას და კვლავ პატივი სცეს თავის დებულებებს. „მოსკოვს SSC-8-ის რაკეტების რამდენიმე ბატალიონი გააჩნია”,- განაცხადა პომპეომ, ეს რაკეტები ასევე ცნობილია, როგორც 9M729.

ცნობისთვის, აშშ-ს პრეზიდენტმა დონალდ ტრამპმა ოქტომბერში განაცხადა, რომ ვაშინგტონს “საშუალო და მოკლე მანძილის რაკეტების ლიკვიდაციის შესახებ” ხელშეკრულების დატოვება სურს.

სტატიის ავტორი თაკო ჩხაიძე
მსგავსი სიახლეები
კომენტარები
იტვირთება...