პრეზიდენტი: ირმა ხეცურიანი თითოეული პარასპორტსმენის სიძლიერის და წარმატების სიმბოლოა!
საქართველოს პრეზიდენტი გიორგი მარგველაშვილი ირმა ხეცურიანს მორიგ გამარჯვებას ულოცავს.
“ვულოცავ ჩვენს საამაყო პარამოფარიკავეს, ირმა ხეცურიანს მეცამეტე ოქროს! ის თითოეული პარასპორტსმენის სიძლიერის და წარმატების სიმბოლოა! წარმატებებს ვუსურვებ ირმას!”, – აცხადებს გიორგი მარგველაშვილი.
ცნობისთვის, ირმა ხეცურიანმა მორიგი ოქროს მედალი მოიპოვა. მან იაპონიის ქალაქ კიოტოში პარა-ფარიკაობაში მსოფლიო თასის წლის ბოლო ეტაპის გათამაშებაზე გაიმარჯვა.