პრემიერი „ნაციონალური მოძრაობის“ აქციაზე: პრორუსული ვინ იყო, გუშინ ვნახეთ – ეს იყო ჩვეულებრივი ქვეცნობიერის გამოვლენა

 “სუსტ ოპოზიციას არ აქვს შინაარსობრივი თემები, ყოველ ჯერზე არჩევნებამდე ორი-სამი დღით ადრე საკითხი ხდება რუსეთი, პრორუსულობა, პრორუსული ვინ იყო, გუშინ ვნახეთ. ეს იყო ჩვეულებრივი ქვეცნობიერის გამოვლენა”.

ამის შესახებ საქართველოს პრემიერ-მინისტრმა გიორგი გახარიამ, უწყებათაშორისი საბჭოს სხდომის დასრულების შემდეგ, ბრიფინგზე განაცხადა და აღნიშნა, რომ ცუდია, როდესაც ოპოზიცია თემას ვერ პოულობს.

„მეორე თემაა ლარის კურსი. დღეს ლარის კურსი ასე თუ ისე დასტაბილურებულია, ახლა თემა გახდა გრუ-ს რაღაც ანალიტიკური წერილი. სამწუხაროდ, ამაზე  სერიოზულ კომენტარს ვერ გავაკეთებ. ცუდია, როდესაც ოპოზიცია უბრალოდ თემას ვერ პოულობს. ბოლო თემები რომ ჩამოვთვალოთ, მოსახლეობას აშინებენ, რომ ლოკდაუნი იქნება. ამით აშინებენ მოსახლეობას, ასევე ეპიდემიოლოგიური მდგომარეობა. შეადარეთ ერთ მილიონ მოსახლეზე და შეადარეთ ევროპულ ქვეყნებს. ჩვენ კი არ ვამაყობთ რაიმეთი – წყნარად, მშვიდად ჩვენს საქმეს ვაკეთებთ. არც არავის ქებას ვითხოვთ და არც არავის კრიტიკის გვეშინია“, – განაცხადა გიორგი გახარიამ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად