პრემიერი: კომენდანტის საათი აღარ გაგრძელდება

მთავრობამ მიიღო გადაწყვეტილება აღარ გაგრძელდეს საგანგებო მდგომარეობა და შესაბამისად აღარ გაგრძელდეს კომენდანტის საათი”-ამის შესახებ საქართველოს პრემიერმა, გიორგი გახარიამ, მთვრობის სხდომის დაწყებამდე განაცხადა.

“რა თქმა უნდა , ყველას ძალიან კარგად გვესმის, რომ ამ გლობალური პანდემიის შემდგომ გამოწვევები სულ უფრო და უფრო მძიმდება, მაგრამ ამავდროულად, ყველას ძალიან კარგად გვესმის, რომ ჩვენი ვალდებულებაა, ქვეყანა ნელ-ნელა რაციონალურად, მაგრამ ძალიან ფრთხილად ცხოვრების ჩვეულ ტემპს დაუბრუნდეს. სამწუხაროდ, დღეს დაზუსტებით ვერავინ ამბობს პოსტკოვიდური მსოფლიო როგორი იქნება, რაც კიდევ უფრო ზრდის ჩვენს პასუხისმგებლობას ჩვენი მოქალაქეების წინაშე.

ყველას ძალან კარგად გვესმის, რომ ვალდებულება ნელ-ნელა, ფრთხილად, გააზრებულად დავუბრუნდეთ ჩვენს ნორმალურ ცხოვრებას, როგორც ეკონომიკური მიმართულებით, ასევე ჩვენი სოციალური მიმართულებით ყიოველდღიური ცხოვრებით, არის უკიდურესად მნიშვნელოვანი, ამიტომ მთავრობამ მიიღო გადაწყვეტილება, აღარ გაგრძელდეს საგანგებო მდგომარეობა და აღარ გაგრძელდეს შესაბამისად კომენდანტის საათი“-განაცხადა პრემიერმა.

შეგახსენებთ ქვეყანაში საგანგებო მდგომარეობამ 2020 წლის 20 მარტიდან დაიწყო მოქმედება და ხვალ იწურება ვადა.

ცნობისთვის, მთავრობის გადაწყვეტილებით, ორშაბათიდან, ქვეყანაში, რამდენიმე შეზღუდვა უკვე მოხსნა.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად