ფოთში სტიქიას ებრძვიან (ფოტორეპორტაჟი)

ფოთში სტიქიას ებრძვიან, ძლიერმა ქარმა როგორც კერძო, ასევე მუნიციპალური შენობების სახურავები დააზიანა. მოგლეჯილია ხეები, დაზიანდა ავტომანქანები, ელექტროსადენები.

„ენერგო-პრო-ჯორჯიას“ ბრიგადები ამ დრომდე აგრძელებენ მუშაობას და ელექტროენერგიის აღდგენა უბნების მიხედვით ეტაპობრივად მიმდინარეობს.

ფოთის მერი გოჩა კურდღელია, ქალაქის არსებულ ვითარებას მოადგილეებთან ერთად გაეცნო.

„ქალაქის მუნიციპალიტეტის მერია მუშაობს საგანგებო რეჟიმში, მობილიზებულია შსს ყველა დანაყოფი და სამაშველო სამსახურები. შემოსულია ზარები, რომ ქარმა სახურავი ახადა ათამდე საცხოვრებელ სახლს, წაქცეულია ხეები, დაზარალდა მოსახლეობა. ელექტრო გადამცემი ხაზების დაზიანების გამო ქალაქის გარკვეულ უბნებს ამ დრომდე არ მიეწოდება ელექტრო ენერგია. ადგილობრივი მერიის სამსახურები სისტემატურად გადიან უბნებზე და ადგილზე ეცნობიან ვითარებას.
მერიაში შეიქმნა კომისია, რომელიც შეისწავლის ზარალის ოდენობას. შემიძლია ვთქვა, რომ ამ დროისათვის სიტუაცია ექვემდებარება კონტროლს“-განაცხადა გოჩა კურდღელიამ.

          

    

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად