ფოთში, მიტოვებული შენობების მეპატრონეებს დააჯარიმებენ

ფოთში, წლების განმავლობაში, მიტოვებული შენობების მეპატრონეების მიმართ ადმინისტრაციული ზომები გატარდება – ეს განცხადება „აიპრესთან“, დაუმთავრებელი შენობა-ნაგებობების მოწესრიგებასთან დაკავშირებით, საკრებულოში შექმნილი დროებითი სამუშაო ჯგუფის ხელმძღვანელმა, თორნიკე შონიამ გააკეთა.

“იურიდიული და კერძო პირების მისამართით გაგზავნილ წერილებზე რეაგირება მხოლოდ 9 წერილზე მოხდა. რეაგირების გარეშე დარჩენილი წერილები ხელმეორედ იქნება გაგზავნილი. იმ შემთხვევაში, თუ ისევ პასუხს ვერ მივიღებთ, მივმართავთ შესაბამის სტრუქტურებს ადმინისტრაციული ზომების მისაღებად“- აღნიშნა თორნიკე შონიამ.

ცნობისათვის, კერძო საკუთრებაში არსებული უსახური ნაგებობებისა და გავერანებული ტერიტორიების რიცხვი ასამდე აღწევს. მათი უმეტესობა ქალაქის ცენტრშია განლაგებული და კულტურული მემკვიდრეობის სტატუსს ატარებს.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად