ფოთში, კორონავირუსის 119 ახალი შემთხვევა დაფიქსირდა
საზოგადოებრივი ჯანდაცვის ცენტრის განცხადებით, თვითიზოლაციაში 373, კარანტინში კი 22 ადამიანი იმყოფება. დღეს „პისეარ“ კვლევა 275 პირს ჩაუტარდა. ლაბორატორიიდან პასუხებს ხვალ ელოდებიან.
„ამ დრისთვის გვაქვს დასნებოვნების 119 ახალი შემთხვევა. სულ დარეგისტრირებულია 1 347 პაციენტი, აქედან გამოჯანმრთელდა 761. სამწუხაროდ დღეს გვაქვს გარდაცვალების ერთი შემთხვევა და სულ ფოთში 6 გარდაცვალების ფაქტია დაფიქსირებული. სტაციონალურ მკურნალობას გადის 21 პაციენტი, თვითიზოლაციაშია 373, კარანტინში 22. დღეს „პისეარ“ კვლევა 275 ადამიანს ჩაუტარდა“ – განაცხადა საზოგადოებრივი ჯანდაცვის ცენტრის, საზოგადოებასთან ურთიერთობის საკითხებში მენეჯერმა, ნინო ლეფსაიამ.