ფოფხაძე “ოცნებაზე”: ესენი არიან ცხვრები, რომლებსაც აუცილებლად სჭირდებათ თუ ქოფაკი არა, თხა მაინც

“თუ ბიძინა ივანიშვილი ვა ბანკზე წავა, შეიძლება საფრანგეთის მოქალაქეობაზეც კი თქვას უარი. ამ სიტუაციაში ისიც ხომ ატყობს, გუნდი, რომლის ამარაც დარჩა, ეს გუნდი არ არის, ესენი არიან ცხვრები, რომლებსაც აუცილებლად სჭირდებათ თუ ქოფაკი არა, თხა მაინც.”

ამის შესახებ საპარლამენტო ფრაქცია “დამოუკიდებელი დეპუტატების” წევრმა გედევან ფოფხაძემ  პრემიერ- მინისტრად ბიძინა ივანიშვილის შესაძლო დაბრუნების შესახებ  გავრცელებული ინფორმაციის კომენტირებისას ჟურნალისტებს განუცხადა.

„დაველოდოთ პოლიტიკურ მოვლენებს. მოტივაცია იქნება განმსაზღვრელი იმიტომ, რომ თუ ბიძინა ივანიშვილი ვა ბანკზე წავა, შეიძლება საფრანგეთის მოქალაქეობაზეც კი თქვას უარი. ამ სიტუაციაში ისიც ხომ ატყობს, გუნდი, რომლის ამარაც დარჩა, ეს გუნდი არ არის, ესენი არიან ცხვრები, რომლებსაც აუცილებლად სჭირდებათ თუ ქოფაკი არა, თხა მაინც. შესაბამისად, რაღაც დონეზე აუცილებელია ორგანიზებულობის მიცემა ამ ყველაფრისთვის არჩევნების წინ მაინც. პირდაპირ გეტყვით, ეს ყველაფერი არის მათი ინტერესი და არა ქართველი ხალხის ინტერესი. ქართველი ხალხის და ქართული სახელმწიფოს ინტერესია „ქართული ოცნება” ხელისუფლებიდან წავიდეს. როგორი იქნება ხვალინდელი დღე, ეს არის ხალხთან შეთანხმების საგანი, მაგრამ ვინც არ უნდა იყოს ხელისუფლებაში, ალბათ, ეს ქართველი ხალხისთვის ცალსახაა, ეს არის მიშა სააკაშვილი და ბიძინა ივანიშვილი. ეს ორი არ უნდა იყოს ხელისუფლებაში,”- განაცხადა გედევან ფოფხაძემ.

მსგავსი სიახლეები
კომენტარები
იტვირთება...

ეს ვებ – გვერდი იყენებს cookie– ს თქვენი გამოცდილების გასაუმჯობესებლად. ვეთანხმები დეტალურად