პატრიარქი ნანი ბრეგვაძეს 85 წლის იუბილეს ულოცავს: დრომ თითქოს გვერდი აუარა და სცენის უჭკნობ მშვენებად მოგვევლინა დიდებული ქალბატონი

საქართველოს კათოლიკოს-პატრიარქი ნანი ბრეგვაძეს 85 წლის იუბილეს ულოცავს.

“ქართული კულტურის სფეროში მოღვაწეთა შორის ქალბატონ ნანი ბრეგვაძეს სრულიად განსაკუთრებული ადგილი უჭირავს. გამორჩეულია იგი ხმით, მუსიკალურ ჰანგთა სიღრმეების წვდომის ნიჭით, საშემსრულებლო მანერით, გემოვნებით, გულწრფელობით, სიკეთით, ღირსებით…

ქალბატონ ნანის დრომ თითქოს გვერდი აუარა და სცენის უჭკნობ მშვენებად მოგვევლინა ეს დიდებული ქალბატონი.

დაე, მისი კეთილხმოვანება კვლავაც დიდხანს ატკბობდეს მსმენელს. ღმერთმა დალოცოს იგი და სულიერი სიხარულით აღავსოს. ღმერთმა დალოცოს მისი ოჯახი,” – ნათქვამია საპატრიარქოს მიერ გავრცელებულ მისალოც წერილში.

კომენტარები
იტვირთება...