პატრიარქი ემიგრანტებს: “თქვენ უნდა იცოდეთ, რომ სამშობლო გელოდებათ თქვენ”

საქართველოს კათოლიკოს-პატრიარქი ილია მეორემ საქართველოს საპატრიარქოში უცხოეთში მცხოვრებ ქართველ ემიგრანტებს უმასპინძლა. 

როგორც საპატრიარქოს ვებგვერზეა აღნიშნული, ღონისძიება ორგანიზაცია ,,დიასპორის სახლის” ინიციატივით ჩატარდა და მასში მონაწილეობდნენ ამერიკაში, კანადაში, ესპანეთში, გერმანიაში, საბერძნეთში, იტალიასა და სხვა ქვეყნებში მცხოვრები ქართველები.

ემიგრანტებმა მის უწმინდესობას მიღებისთვის მადლობა გადაუხადეს და ხაზი გაუსვეს საზღვარგარეთ არსებული ქართული სამრევლოების მნიშვნელობას; განაცხადეს, რომ სამრევლოები და იქ არსებული საკვირაო სკოლები და სხვადასხვა წრეები ეხმარებათ სამშობლოსთან კავშირის შენარჩუნებაში.

შეხვედრას ესწრებოდა გორისა და ატენის მიტროპოლიტი ანდრია (გვაზავა).

მისმა უწმინდესობამ დალოცა ემიგრანტები და წარმატებული მოღვაწეობა და სამშობლოში დაბრუნება უსურვა.

,,სამშობლო ტკბილია, დედასავით ტკბილია. თქვენ უნდა იცოდეთ, რომ სამშობლო გელოდებათ თქვენ. ღმერთმა დაგლოცოთ საქართველოსთან ერთად! ბედნიერი იყავით ორსავ სოფელსა შინა!”- ბრძანა მან.

 

მსგავსი სიახლეები
კომენტარები
იტვირთება...